Díana Dögg Magnúsdóttir landsliðskona í handknattleik skoraði þrjú mörk og gaf þrjár stoðsendingar í næst síðasta leik sínum með BSV Sachsen Zwickau þegar liðið sótti Oldenburg heim og tapaði, 30:26, í þýsku 1. deildinni í handknattleik í gær. Staðan var jöfn í hálfleik, 14:14.
Einnig skapaði Díana Dögg eitt færi og stal boltanum einu sinni af liði Oldenburg.
BSV Sachsen Zwickau er í fjórða neðsta sæti af 14 liðum þýsku 1. deildarinnar og er ekki alvegt öruggt um áframhaldandi veru í deildinni vegna þess að fækkað verður um tvö lið.
Í lokaumferðinni á næsta laugardag leikur BSV Sachsen Zwickau á móti HSG Bad Wildungen Vipers. Það verður jafnframt kveðjuleikur Díönu Daggar eftir fjögur ár hjá félaginu. Hún samdi í snemma árs við Blomberg-Lippe sem einnig leikur í 1. deild.
Staðan: