„Ungverjar eru með mjög sterkt lið. Á því er enginn vafi. Við höfum hinsvegar unnið vel í okkar málum, reynt að taka skref fram á við í hvert skipti sem við komum saman. Ég er sé bara fram á spennandi og skemmtilega leiki,“ sagði Hrafnhildur Hanna Þrastardóttir landsliðskona og markadrottning Olísdeildar kvenna í samtali við handbolta.is um væntanlega leiki við Ungverja í umspili um HM-sæti.
Landsliðið valið fyrir leikina mikilvægu við Ungverja
Fyrri leikurinn verður á morgun, laugardag, á Ásvöllum. Aðgangur er ókeypis í boði Icelandair. Flautað verður til leiks klukkan 16.
„Það er virkilega spennandi verkefni að máta okkur við ungverska liðið. Vonandi náum við fram okkar besta leik,“ sagði Hanna.
Markahæst í deildinni í fjórða sinn – samherjarnir eiga hlut að máli
„Vonandi mæta margir áhorfendur. Frítt er inn í boði Icelandair. Mjög góð stemning hefur myndast í síðustu heimaleikjum okkar á Ásvöllum. Við hlökkum til og vonumst til að fá sem flesta með okkur,“ sagði Hrafnhildur Hanna Þrastardóttir landsliðskona í handknattleik.
Ókeypis aðgangur er á leikinn klukkan 16 á Ásvöllum á laugardaginn í boði Icelandair. Það er tekið fram hér þótt auglýsingastofan sem vinnur fyrir Icelandair hafi ekki minnsta áhuga á að kaupa auglýsingu af handbolti.is né séð sér fært að láta svo lítið að svara óskum þar um.
