- Auglýsing -

„Þetta er mjög sárt tap“

Snorri Steinn Guðjónsson þjálfari Vals. Mynd/Hafliði Breiðfjörð

„Þetta er mjög sárt tap. Ég er fúll og vonsvikinn með úrslitin vegna þess að við lékum ágætan leik,“ sagði Snorri Steinn Guðjónsson þjálfari Vals í stuttu samtali sem tekið var við hann og birt á Stöð2sport eftir þriggja marka tap Vals fyri PAUC í Frakklandi í kvöld, 32:29, í fjórðu umferð B-riðils Evrópudeildarinnar í handknattleik karla.

Fannst við eiga inni

„Mér finnst við eiga inn í leiknum. Eins og ég hef áður sagt margoft verðum við að eiga dúndurleiki í þessari keppni til þess að lenda ekki í veseni. Við lögðum allt í þetta og ég held að það sé ekki mikið eftir á tankinum hjá nokkrum í liðinu,“ sagði Snorri og bætti við.

Vorum komnir í góða stöðu

„Við vorum komnir í góða stöðu í síðari hálfleik en þá urðu stangarskotin of mörg og tæknifeilarnir einnig sem er of mikið gegn svona liði sem refsar fyrir hver mistök. Baráttan var geggjuð í leikmönnum. Þetta er eitt af toppliðunum í Frakklandi og því ekkert við því að segja að við áttum í vandræðum hér og þar, ekki síst í vörninni enda nokkur munur á leikmönnum.“

Tækifærið var fyrir hendi

„Maður er fúll því það var tækifæri á að stela sigri hér í kvöld,“ sagði Snorri Steinn Guðjónsson þjálfari Vals í kvöld í samtali sem Valur tók upp og birt var á Stöð2sport eftir útsendinguna frá viðureign PAUC og Vals í Evrópudeildinni í handknattleik karla í Arena Du Pays D´Aix í Aix en Provence í Frakklandi í kvöld.

- Auglýsing -
- Auglýsing -

Nýjustu fréttir

- Auglýsing -