- Auglýsing -
- Auglýsing -
- Auglýsing -

Þjálfari Ágústs og Elvars látinn taka pokann sinn

Mynd/Hafliði Breiðfjörð
- Auglýsing -

Elvar Ásgeirsson og Ágúst Elí Björgvinssonar eiga von á að fá nýjan þjálfara til Ribe-Esbjerg fyrir næsta keppnistímabil. Stjórn Ribe-Esbjerg sagði í morgun upp Anders Thomsen þjálfara. Jesper Holm aðstoðarþjálfari tekur við og stýrir Ribe-Esbjerg út keppnistímabilið. Framundan eru krefjandi leikir í lokaumferðum úrvalsdeildarinnar.

Í tilkynningu félagsins kemur fram að eftir gott gengi framan af leiktíðinni hafi botninn dottið úr á síðustu vikum. Hvert tapið hefur rekið annað og aðeins einn leikur af síðustu níu unnist.

Nú er staðan sú að Ribe-Esbjerg situr í áttunda sæti úrvalsdeildar þegar tvær umferðir eru eftir og ekki víst að liðið verði með í úrslitakeppni átta efstu liðanna um meistaratitilinn. Ribe-Esbjerg á eftir að mæta Sønderjyske og Ringsted í tveimur síðustu umferðunum. Fyrrnefnda liðið er í níunda sæti, þremur stigum á eftir Ribe-Esbjerg. Ringsted er í sjöunda sæti.

Thomsen, sem hefur axlað sín skinn, tók við þjálfun Ribe-Esbjerg, í nóvember 2021. Holm aðstoðarþjálfari, sem nú tekur tímabundið skútunni, flytur sig um set í starf íþróttastjóra liðsins í sumar.

Ágúst Elí og Elvar skrifuðu báðir undir nýja tveggja ára samninga við Ribe-Esbjerg fyrr í vetur.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -