Toppliðin tvö mætast í átta liða úrslitum

Tvö efstu lið Olísdeildar kvenna, Haukar og Valur, mætast í átta liða úrslitum Poweradebikarkeppni kvenna í handknattleik þegar leikið verður í fyrri hluta febrúar. Valur verður á heimavelli. Liðin eru sem stendur efst og jöfn í Olísdeildinni með 18 stig hvort. Dregið var í hádeginu í dag.

Þrjú lið úr Grill 66-deild kvenna voru í skálunum þegar dregið var. Þau fá öll heimaleiki vegna þess að reglur keppninnar gera ráð fyrir að lið úr neðri deildum eiga heimaleikjarétt.

Bikarmeistarar síðasta árs, ÍBV, féllu úr leik í 16-liða úrslitum.

Ráðgert er að leikirnir farið fram þriðjudaginn 6. og miðvikudaginn 7. febrúar.

Eftirtalin lið mætast.
Selfoss – KA/Þór.
Grótta – Stjarnan.
Valur – Haukar.
HK – ÍR.