Töpuðum þessu á lélegum feilum

„Ég er ógeðslega svekkt eftir leikinn því mér fannst við spila ótrúlega vel á köflum en því miður þá töpuðum við þessu sjálfar með lélegum feilum,” sagði Sandra Erlingsdóttir landsliðskona í samtali við handbolta.is í eftir sex marka tap fyrir Slóvenum í upphafsleiknum á HM í kvöld.

„Svona gott lið eins Slóvenar eru nýtir sé hver mistök andstæðingsins til þess að refsa honum og það gerðist í kvöld,” sagði Sandra sem sagðist ekki hafa skýringu á því af hverju upphafskaflinn hafi verið jafn slakur og raun bar vitni um.

„Ég veit ekki hvað gerðist. Kannski var stress í okkur. Okkur tókst að vinna okkur til baka en í það fór extra orka sem vantaði kannski í lokin,” sagði Sandra Erlingsdóttir.