- Auglýsing -
- Auglýsing -
- Auglýsing -

Víkingar komust upp í þriðja sæti

Mynd/Hafliði Breiðfjörð
- Auglýsing -

Víkingur komst upp í þriðja sæti Grill 66-deildar kvenna í handknattleik í dag þegar liðið vann HK, 29:27, í Kórnum. Víkingur komst einu stigi upp fyrir FH-inga sem töpuðu í gær fyrir Fjölni, 27:25. FH á reyndar inni leik á Víking.

HK situr í fimmta sæti deildarinnar með 12 stig eftir 13 leiki, fjórum stigum á eftir Víkingi.

Viðureignin í Kórnum var lengst af jöfn. Að loknum fyrri hálfleik stóðu leikar jafnir, 11:11. Það var ekki fyrr en á síðustu 10 mínútunum sem Víkingum tókst að ná frumkvæði og slíta sig aðeins frá og vera með tveggja marka forskot allt til enda.

Staðan og næstu leikir í Grill 66-deildum.

Mörk HK: Aníta Eik Jónsdóttir 9, Aníta Björk Bárðardóttir 4, Leandra Náttsól Salvamoser 4, Amelía Laufey G. Miljevic 3, Inga Fanney Hauksdóttir 3, Sandra Rós Hjörvarsdóttir 2, Auður Katrín Jónasdóttir 1, Katrín Hekla Magnúsdóttir 1.
Varin skot: Tanja Glóey Þrastardóttir 13.

Mörk Víkings: Áróra Eir Pálsdóttir 6, Ída Bjarklind Magnúsdóttir 6, Hafdís Shizuka Iura 5, Díana Ágústsdóttir 4, Mattý Rós Birgisdóttir 4, Valgerður Elín Snorradóttir 2, Arnbjörg Bertha Kristjánsdóttir 1, Katrín Hallgrímsdóttir 1.
Varin skot: Signý Pála Pálsdóttir 14.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -