Þórólfur Guðnason, sóttvarnalæknir, sagði á upplýsingafundi Almannavarna skömmu fyrir hádegið í dag að ekki sé mikið svigrúm til að slaka á núverandi sóttvarnareglum. Af þessu orðum má ráða að ósennilegt er að heimilt verði að hefja íþróttaæfingar á nýjan leik á næstunni þegar gildistími núverandi reglna rennur sitt skeið mánudaginn 19. október.
Þórólfur sendir heilsbrigðisráðherra tillögur sínar í dag hvað skuli gera eftir 19. okótber. Á fundindinum í morgun vildi Þórólfur ekki fara út í að nefna einstök atriði í væntanlegum tillögum sínum en sagði þó að næstu tvær til þrjár vikur yrði ekki mikið svigrúm til að slaka á reglum. Þróun kórónuveirufaraldursins væri með þeim hætti hér á landi.
„Ég ætla ekki að fara í smáatriðum að greina frá í hverjar tillögur mínar eru fólgnar en get þó sagt að ég tel á þessari stundu ekki mikið rúm fyrir miklar tilslakanir þar sem faraldurinn er ekki farinn að minnka,“ sagði Þórólfur.
Um komandi helgi verða liðnar tvær vikur síðan keppt var síðasta á Íslandsmótinu í handknattleik. Æfingahlé var gert í framhaldinu þegar hert var á sóttvarnareglum á höfuðborgarsvæðinu 5. október.
Í dag eru þrjá vikur þangað til fyrirhugaður landsleikur Íslands og Litháen í undankeppni EM karla á að fara fram í Laugardalshöll.
