Liðband við ristina tognaði

Svo virðist sem Valsarinn og handknattleiksmaðurinn Benedikt Gunnar Óskarssonar hafi sloppið betur en áhorfðist í fyrstu. Hann meiddist í viðureign Vals og sænsku meistaranna Ystads á síðasta þriðjudag. Í fyrstu voru uppi grunsemdir um að Benedikt Gunnar hefði ristarbrotnað. Þeim grunsemdum var fljótlega ýtt út af borðinu.

Nú hefur verið staðfest eftir ýtarlega læknisskoðun að liðband á ristinni hefur tognað. Engin merki eru um slit á liðbandinu né um ristarbrot. Þar af leiðandi er Benedikt Gunnar með umbúðir um aðra ristina og styðst við hækjur. Vonir standa til að liðbandið verði orðið jafngott eftir tvær til vikur. Þar með á Benedikt Gunnar að verða orðinn sprækur þegar Valsmenn leika næst í Olísdeildinni 31. janúar gegn Gróttu.