Fréttatilkynning frá handknattleiksdeild Aftureldingar:
Við erum stolt að tilkynna að sjö ungir og efnilegir leikmenn hafa skrifað undir sína fyrstu samninga við handknattleiksdeild Aftureldingar!
Um er að ræða afrekssamninga en á undanförnum árum hefur Afturelding gert sambærilega samninga við unga leikmenn félagsins og hefur það gefið góða raun og eru þessir strákar næstir í röðinni. Leikmönnunum er ætlað hlutverk í meistaraflokki á komandi árum, og að auki eru þeir hugsaðir sem mikilvægir hlekkir í U-liði Aftureldingar sem kemur inn á næsta ári.
Strákarnir eru: Leó Róbertsson, Bergvin Snær Alexandersson, Andri Freyr Friðriksson, Kristján Andri Finnsson, Alexander Sörli Hauksson, Magnús Kári Magnússon og Daníel Petrov Arnarson.
Þetta er hópur af metnaðarfullum og duglegum ungum leikmönnum sem hafa staðið sig vel í 3. flokki í vetur og við væntum mikils af þeim á næstu árum. Með þessum samningum færast þeir vonandi enn nær því að komast í meistaraflokk Aftureldingar og verða hluti af liðinu í framtíðinni.
Áfram Afturelding!
