ÍBV mætir HB Red Boys frá Differdange í Lúxemborg í 2. umferð Evrópubikarkeppninnar í karlaflokki og fara leikir liðanna fram upp úr miðjum október.
Rauðu strákarnir hafa einu sinni áður leikið gegn íslensku liði í Evrópukeppni; gegn Val í Evrópukeppni bikarhafa 1976-1977. Báðir leikirnir fóru Fram í Laugardalshöllinni og mátti lesa þetta í Tímanum: „Valsmenn áttu ekki í erfiðleikum með „Rauðu strákana“ sem léku eins og byrjendur — fengu tvisvar sinnum rassskell hjá Valsmönnum. Fyrst 11:25 og síðan 12:29, munurinn var 31 mark!
Evrópuleikirnir voru afar lélegir, þar sem mótherjar Vals voru eins og fiskar á þurru landi.“
Það er næsta víst, að miklar framfarir hafa orðið hjá „Rauðu strákunum“ og koma þeir væntanlega til með að veita ÍBV harða keppni. Það verður ekki boðið upp á „Old boys“ handknattleik, eins og í októbermánuði 1976.
Tengdar fréttir:
Fjölbreyttir andstæðingar bíða íslensku liðanna
