Handknattleiksdeild Harðar á Ísafirði segir frá því að Facebook-síðu sinni að náðst hafi samkomulag við tyrkneska handknattleiksmanninn Tuğberk Çatkin. Hann er væntanlegur til Ísafjarðar á næstu dögum. Çatkin á að baki leiki með tyrkneska landsliðinu.
Çatkin er 32 ára gamall og 189 sentímetrar á hæð og leikur í stöðu skyttu vinstra megin. Undanfarin þrjú ár hefur þessi þrautreyndi Tyrki leiki með Ankaraliðinu Sport Toto SK í heimalandi sínu og m.a. leikið í Evrópukeppni félagsliða öll árin.
Áður var hann m.a. í herbúðum Göztepe SK og B.B. Ankara Sport.
10 dagar í fyrsta leik
Hörður leikur við ungmennalið Víkings í íþróttahúsinu Torfnesi í fyrstu umferð Grill 66-deildar karla laugardaginn 23. september. Undirbúningur stendur yfir utan vallar sem innan hjá Harðarfólki. Þau sem vilja leggja hönd á plóginn með dugmiklum sjálfboðaliðum Harðar er bent á hafa samband við Vigdísi Pálu Halldórsdóttur formann handknattleiksdeildar Harðar.
Leikjadagskrá Grill 66-deilda.
