Handknattleiksþjálfarinn Maksim Akbachev heldur ekki áfram þjálfun í Barein, a.m.k. ekki á næstunni. Hann staðfesti það við handbolta.is í dag. Maksim var í vor ráðinn til Eyríksins í Arabíuflóa og stýrði m.a. 19 ára landslið karla á heimsmeistaramótinu í Króatíu í ágúst. Nú er því starfi lokið. Maksim segist vera að horfa í kringum sig hvað taki við í þjálfun.
Maksim var m.a. yfirþjálfari yngri flokka Gróttu áður en hann hélt á vit ævintýranna í Barein. „Ég er kominn í dagvinnu og er að skoða með þjálfun,“ sagði Maksim sem er þrautreyndir þjálfari.
Hann starfaði fyrir Val um árabil og einnig hjá Haukum áður en hann flutti sig um set til Gróttu sumarið 2020. Samhliða starfi sem yfirþjálfara yngri flokka Gróttu var Maksim aðstoðarþjálfari meistaraflokks karla við hlið Arnars Daða Arnarssonar frá 2020 til 2022.
