„Þetta var geggjuð frammistaða, frábær sigur og æðisleg stemning. Fullt af fólki á leiknum og ég vil þakka þeim fyrir að koma og styðja okkur,“ sagði Elín Jóna Þorsteinsdóttir markvörður í samtali við handbolta.is eftir að íslenska landsliðið vann Kína, 30:23, og innsiglaði þar með réttinn til að leika um forsetabikarinn á heimsmeistaramótinu í handknattleik á miðvikudagskvöld.
„Við erum bara mjög spenntar. Það er fargi af okkur létt að hafa klárað þennan leik því kínverska liðið var örugglega sterkasti andstæðingurinn okkar hingað til í forsetabikarkeppninni. Það sást á þeim að þær voru orðnar þreyttar þegar á leikinn leið og þá tókst okkur að hlaupa þær vel af okkur,“ sagði Elín Jóna sem hefði ekki getað hugsað þá hugsun til enda ef leikurinn hefði tapast og þurft að bíða í tvo daga eftir leik um 27. sætið.
Það hefði verið erfitt
„Úff, það hefði verið alltof erfitt að bíða hér í tvo daga. Það var eitthvað sem við vorum ekki til í,“ sagði Elín Jóna glöð í bragði.
„Við ætlum að klára þetta á miðvikudaginn,“ sagði Elín Jóna Þorsteinsdóttir markvörður íslenska landsliðsins í samtali við handbolta.is í Arena Nord í Frederikshavn í kvöld.
Sandra bætti markamet Karenar á HM
Ellefu mörk skoruð eftir gegnumbrot
Kínverjar brotnir á bak aftur – Ísland í úrslitaleik
HM kvenna ´23: Forsetabikar: leikir, úrslit, staðan
