Valur vann Haslum með 12 marka mun í upphafsleik

Valur vann norska liðið Haslum með 12 marka mun 32:20 í fyrstu umferð á Balaton cup-handknattleiksmótinu sem fram fer í Veszprém í Ungverjalandi sem hófst í dag. Gunnar Róbertsson var valinn maður leiksins. Gunnar skoraði 10 mörk. Logi Finnsson og Bjarki Snorrason skoruðu sex mörk hvor.

Um er ræða lið leikmanna sem fæddir eru 2008.

Valur leikur tvo leiki á morgun, gegn liðum Veszprém og Barcelona.

Um er að ræða boðsmót með átta sterkum félagsliðum sem er boðin þátttaka. Þeim hefur verið skipt upp í tvo fjögurra liða riðla. Um er ræða heiður og mikla reynslu fyrir piltana. Mótið er haldið í 32. sinn.