- Auglýsing -
- Valgerður Elín Snorradóttir hefur skrifað undir nýjan 2 ára samning við handknattleiksdeild Víkings. Valgerður er 15 ára gamall miðjumaður/skytta og hefur verið í U16 ára landsliðinu (08/09) í síðustu verkefnum. Ásamt því að spila með yngri flokkum félagsins þá hefur hún spilað mikið með meistaraflokki í vetur og hefur hennar hlutverk farið vaxandi með leik hverjum, segir í tilkynningu frá Víkingi
- Unnur Vala Einarsdóttir hefur skrifað undir nýjan tveggja ára samning við handknattleiksdeild Fjölnis. Unnur Vala leikur með liði Fjölnis í Grill 66-deildinni en liðið hefur sótt mjög í sig veðrið á síðustu vikum.
- Storhamar vann stórsigur á Byåsen, 36:18, á heimavelli í norsku úrvalsdeildinni í handknattleik í gærkvöldi. Axel Stefánsson er annar þjálfari Storhamar. Liðið er í öðru sæti úrvalsdeildar. Stöðuna í norsku úrvalsdeildinni og í fleiri deildum evrópsks handknattleiks er að finna hér.
- Sænski handknattleiksmaðurinn Christoffer Brännberger hefur samið við portúgalska meistaraliðið Porto. Brännberger hefur hvað eftir annað verið úrskurðaður í löng keppnisbönn í sænska handknattleiknum fyrir afar gróf brot. Eftir að hafa verið úrskurðaður í tveggja mánaða bann í október á síðasta ári tilkynnti Brännberger að hann væri hættur í handknattleik. Eftir áramót snerist honum hugur þegar tilboð barst frá Porto.
- Danska úrvalsdeildarliðið Ribe-Esbjerg HH verður með færri leikmenn á samningi á næstu leiktíð en á þeirri sem nú stendur yfir. Til stendur að fækka um þrjá í leikmannahópnum, fara úr 20 í 17. Niðurskurðurinn kemur ekki niður á Íslendingunum sem leika með Ribe-Esbjerg HH, Ágústi Elí Björgvinssyni og Elvari Ásgeirssyni. Báðir skrifuðu undir nýja samninga í vetur til ársins 2026.
- Auglýsing -
