ÍR-ingar féllu úr Olísdeild karla í handknattleik í kvöld þegar þeir töpuðu fyrir Grótti, 32:26, í Austurbergi í 17. umferð deildarinnar. ÍR er enn án stiga og þar sem þeir geta í besta falli náði í 10 stig út úr leikjunum sem eftir eru þá eiga þeir ekki lengur möguleika á að komast upp fyrir Gróttu sem er með 12 stig eftir sigurinn. Úrslit leikja síðustu fimm umferða deildarinnar skera síðan úr um hvaða lið fylgir ÍR niður í Grill 66-deildina. Sem stendur eru Þór Akureyri og Grótta í mestri hættu.
ÍR-ingar voru síst lakari en Gróttumenn í fyrri hálfleik í Austurbergi í kvöld og náðu m.a. þriggja marka forskoti um skeið og voru tveimur mörkum yfir skömmu fyrir lok hálfleiksins, 14:12. Það lá þó ekki fyrir þeim að fara með forskot inn í búningsklefa í hálfleik. Grótta var komin yfir þegar hálfleikurinn var út, 15:14.
Í stuttu máli sagt þá voru Gróttumenn mikið ákveðnari í síðari hálfleik. Þeir tóku fljótlega frumkvæðið og létu það aldrei að hendi. Þeir bættu frekar við forskotið eftir því sem á leið og unnu sanngjarnan sigur og sáu til þess að það var einu keppninautinum færra í botnbaráttunni á lokasprettinum.
Mörk ÍR: Andri Heimir Friðriksson 7, Úlfur Kjartansson 5, Sveinn Brynjar Agnarsson 4, Gunnar Valdimar Johnsen 4, Ólafur Haukur Matthíasson 3, Dagur Sverrir Kristjánsson 1, Bjarni Steinn Þórisson 1, Viktor Sigurðsson 1.
Mörk Gróttu: Birgir Steinn Jónsson 6, Daníel Örn Griffin 6, Ingólfur Arnar Þorgeirsson 6, Andri Þór Helgason 4, Hannes Grimm 4, Satoru Goto 2, Gunnar Dan Hlynsson 2, Jakob Ingi Stefánsson 1, Ólafur Brim Stefánsson 1.
