- Auglýsing -
- Áfram fjölgar þeim sem nefnd eru til sögunnar sem eftirmaður Þóris Hergeirssonar í stóli landsliðsþjálfari Noregs í handknattleik kvenna. Gro Hammerseng-Edin fyrrverandi landsliðskona er ein þeirra sem hefur komið inn í umræðuna síðustu daga.
- Nafni Spánverjans, Ambros Martin, hefur einnig verið hent inn í umræðuna en vafasamt er talið að hann komi alvarlega til greina. Norska handknattleikssambandið þykir líklegt til þess að ráða norskan þjálfara.
- Eins og handbolti.is sagði frá í síðustu viku er Ole Gustav Gjekstad þjálfari Odense Håndbold og fyrrverandi þjálfari Vipers Kristiansand talinn líklegasti kosturinn.
- Ein fremsta handknattleikskona heims, Ana Gros, hefur ákveðið að hætta að leika með slóvenska landsliðinu aðeins 33 ára gömul. Landsliðsferill hennar spannar 17 ár. Landsleikirnir eru 159 og mörkin 767. Gros var fánaberi Slóveníu við setningarathöfn Ólympíuleikanna í París í lok júlí. Hún gekk til liðs við Krim Ljubljana í sumar eftir tveggja ára veru hjá Györ í Ungverjalandi en með liðinu varð hún Evrópumeistari í vor.
- Auglýsing -
