- Auglýsing -
- Efsta lið þýsku 2. deildarinnar í handknattleik karla, Bergischer HC sem Arnór Þór Gunnarsson þjálfar, tapaði illa fyrir Eulen Ludwigshafen, 32:23, í Ludwigshafen í gærkvöld. Bergischer HC átti á brattann að sækja allan leikinn og var m.a. fimm mörkum undir í hálfleik, 17:12. Tjörvi Týr Gíslason skoraði eitt mark fyrir Bergischer HC í leiknum.
- Bergischer HC er ennþá í efsta sæti með 11 stig eftir sjö leiki. Ferndorf var stigi á eftir og á leik inni á Bergischer. Eulen Ludwigshafen fluttist upp í þriðja sæti með sigrinum í gærkvöld með 10 stig eins og Ferndorf en hefur leikið átta leiki. Fleiri en flest önnur lið í deildinni.
- Jóhanna Margrét Sigurðardóttir skoraði fjögur mörk og átti tvær stoðsendingar þegar Kristinstad tapaði með sex marka mun á heimavelli fyrir Skuru, 30:24, í fjórðu umferð sænsku úrvalsdeildarinnar í gærkvöld. Berta Rut Harðardóttir skoraði tvö mörk fyrir Kristinstad og átti eina stoðsendingu.
- Kristianstad er í fimmta sæti með fjögur stig að loknum fjórum leikjum. Eins og kom fram á handbolti.is í gær þá mætast Íslandsmeistarar Vals og Kristianstad í 32-liða úrslitum Evrópubikarkeppni kvenna í handknattleik í næsta mánuði.
- Auglýsing -
