Æft af krafti hjá Val á Reyðarfirði – sóttu KA-pilta heim

Valur á Reyðarfirði hefur í vetur boðið upp á handboltaæfingar fyrir 5. flokk karla. Hafa viðtökur verið góðar og áhugi mikill á meðal drengjanna. Kristín Kara Collins hefur þjálfað piltana og haldið utan um starfið af miklum myndugleika.

Í vikunni fóru 12 strákar að austan til Akureyrar ásamt Kristínu þar sem leikinn var æfingaleikur við KA. Tókst bæði ferðin og leikurinn vel og komu allir reynslunni ríkari. Vonandi er þessi heimsókn vísir að einhverju meira hjá drengjunum og þjálfara þeirra.

Vonandi sjáum við handboltann halda áfram á Reyðarfirði.