Forráðamenn handknattleiksdeildar Stjörnunnar eru nær daglega með pennann á lofti við að hripa undir samninga við nýja leikmenn eða við þá sem fyrir eru í herbúðum félagsins. Í dag var tilkynnt að Benedikt Marinó Herdísarson hefur gert nýjan tvegga ára samning við handknattleiksdeild Stjörnunnar.
Benedikt Marinó er 20 ára uppalinn Stjörnumaður sem getur spilað bæði í hægri skyttu og hægra horni. Hann hefur tekið miklum framförum á þessu tímabili og spilað stórt hlutverk í okkar liði,” segir í tilkynningu Stjörnunnar. Benedikt Marinó lék sem lánsmaður hjá Fjölni í Grill 66-deildinni keppnistímabilið 2022/2023.
„Benni hefur mikla hæfileika í handboltanum, það er kostur að geta spilað vel tvær stöður á vellinum og er ég virkilega ánægður að hann verði áfram hjá okkur í Garðabænum,“ segir Hrannar Guðmundsson þjálfari karlaliðs Stjörnunnar í tilkynningu.
Sjá einnig:
Daníel Karl skrifar undir nýjan samning við Stjörnuna
Stjarnan hefur krækt í Hans Jörgen frá Selfossi
Patrekur snýr til baka í þjálfun – tekur við af Sissa
Pétur Árni heldur sig á heimaslóðum
Hrannar skrifar undir tveggja ára samning við Stjörnuna
Starri heldur áfram tryggð við uppeldisfélagið
