Áfram verður leikið í 1. umferð úrslitakeppni Olísdeildar karla í handknattleik í dag. Íslandsmeistarar Vals taka á móti Haukum klukkan 15 og bikarmeistarar Aftureldingar sækja Framara heim í Úlfarsárdal. Aðeins líður klukkustund frá því að flautað verður til leiks í Origohöllinni þangað til upphafsmerki verður gefið í grannaslagnum í íþróttahúsi Fram.
Sem fyrr þarf að vinna tvær viðureignir til þess að komast í undanúrslit.
Í gær vann ÍBV lið Stjörnunnar, 37:33, og FH lagði Selfoss naumlega, 30:29.
Úrslit í innbyrðisleikjum liðanna í Olísdeildinni í vetur.
14. nóvember: Haukar – Valur, 32:34.
1. apríl: Valur – Haukar, 31:36.
22. september: Fram – Afturelding 28:26.
6. febrúar: Afturelding – Fram, 29:30.
Úrslitakeppni Olísdeild karla, 8-liða úrslit, 1. leikir:
Origohöllin: Valur – Haukar, kl. 15 – sýndur á Stöð2sport.
Úlfarsárdalur: Fram – Afturelding, kl. 16 – sýndur á Stöð2sport.
Umspil Olísdeildar kvenna
Í dag hefst umspil Olísdeildar kvenna, fyrri umferð. Fjögur lið kljást um eitt sæti í Olísdeildinni á næstu leiktíð. Þrjú liðanna léku í Grill 66-deild kvenna í vetur. Fjórða liðið í umspilinu er Selfoss sem varð í næst neðsta sæti Olísdeildar.
Liðin sem fyrr vinna tvisvar sinnum mætast í úrslitaleikjum um sæti í Olísdeild kvenna.
Umspil um sæti í Olísdeild kvenna, 1. umferð, 1. leikir:
Skógarsel: ÍR – Grótta, kl. 14.
Sethöllin: Selfoss – FH, kl. 18 – sýndur á Selfosstv.
ÍR og Grótta mættust tvisvar í Grill 66-deild kvenna í vetur. ÍR vann á sínum heimavelli 18. nóvember, 26:20. Grótta vann sinn heimaleik, 28:21.
