Sunnudagar verða aðalleikdagar í Grill 66-deild kvenna á næsta keppnistímabili. Fyrsta umferðin fer fram sunnudaginn 24. september. Gangi drög að niðurröðun leikja deildarinnar eftir hefjast allir leikirnir klukkan 16 þennan síðasta sunnudag septembermánaðar.
Tíu lið eru skráð til keppni, einu fleira en á síðasta keppnistímabili.
Berserkir, venslalið Víkings, sem mætir til leiks í fyrsta sinn í Grill 66-deild kvenna í september fer ekki langt í upphafsleik sínum. Liðið leikur við Víkinga á heimavelli liðanna.
Selfoss og HK, sem féllu úr Olísdeildinni í vor, eiga bæði útileik í fyrstu umferð. Selfossliðið sækir Fjölni heim í Dalhús og HK fer í heimsókn til ungmennaliðs Fram.
Leikir 1. umferðar sunnudaginn 24. september klukkan 16:
Grótta – Haukar U.
Fram U – HK.
Berserkir – Víkingur.
Fjölnir – Selfoss.
FH – Valur U.
Hægt er að skoða drög að leikjaniðurröðun Grill 66-deildar kvenna með því að smella hér.
Einnig hér.
Stórleikur strax í fyrstu umferð Olísdeildar kvenna
Flautað til leiks í Kaplakrika 7. september
Meira og minna verður leikið á laugardögum
