- Auglýsing -
- Auglýsing -
- Auglýsing -

Frakkar og Þjóðverjar blanda sér í keppnina við Ísland um HM 2029 og 2031

Þjóðverjar héldu nýverið vel heppnað Evrópumót karla í handknattleik. Mynd/Hafliði Breiðfjörð
- Auglýsing -

Frakkar og Þjóðverjar hafa blandað sér í keppnina við Íslendinga og fleiri um að halda heimsmeistaramót karla í handknattleik 2029 og 2031. Handknattleikssambönd ríkjanna tveggja hafa staðfest að þau hafi sent inn sameiginlega umsókn um að fá að halda annað hvort mótið.

Eins fram hefur komið hafa Íslendingar í samvinnu við Dani og Norðmenn sótt um að halda HM 2029 og eða 2031. Einnig hafa Sádi Arabar sent inn umsókn um að halda annað hvort mótið.

Um tíma stóð til að Frakkar og Svisslendingar myndu sækjast saman eftir HM 2029 eða 2031. Svo virðist sem Sviss hafi hætt við.

Það gæti unnið gegn sameiginlegri umsókn Frakka og Þjóðverja að Þjóðverjar verða gestgjafara HM karla 2027.

Þar með er ljóst að mikil samkeppni hefur aukist til muna um að halda heimsmeistaramótin tvö. Alþjóða handknattleikssambandið mun ákveða á framkvæmdastjórnarfundi í 16. apríl hverjir hreppa hnossið 2029 og 2031.

Nýverið lýstu íslensk stjórnvöld yfir stuðningi sínum við umsókn Íslands um að sækjast eftir að halda heimsmeistaramótið í handknattleik karla 2029 eða 2031 ásamt Danmörku og Noregi. Með yfirlýsingu íslenskra stjórnvalda til Alþjóðahandknattleikssambandsins (IHF) lýsa þau yfir stuðningi við verkefnið og að nýtt íþróttamannvirki fyrir viðburðinn verði risið fyrir 2029.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -