Framarinn Þorsteinn Gauti Hjálmarsson leikur í dag í fyrsta sinn með finnska landsliðinu í undankeppni Evrópumótsins í handknattleik þegar finnska landsliðið mætir landsliði Slóvaka í Vantaa í suðurhluta Finnlands, skammt frá höfuðborginni Helsinki.
Þorsteinn Gauti, sem er af finnsku bergi brotinn, lék sína fyrstu leiki með finnska landsliðinu á æfingamóti í Lettlandi í byrjun ársins. Ola Lindgren landsliðsþjálfari Finna var ánægður með frammistöðu Gauta í leikjunum tveimur í Lettlandi og valdi hann þar af leiðandi aftur í hóp sinn fyrir leikina við Slóvaka sem fram fara síðdegis í dag og á sunnudaginn í Hlohovec í Slóvakíu.
Finnska landsliðið tapaði fyrir Noregi og Serbíu í tveimur fyrstu leikjum sínum í undankeppninni í okótber.
Undankeppni EM: Úrslit leikja og staðan í riðlum
