Jón Pétur Jónsson skoraði 13 mörk gegn rúmenska liðinu Dinamo Búkarest í Evrópukeppni meistaraliða 1978-1979.
Valsmenn fögnuðu þá jafntefli í Búkarest, 20:20, eftir að vera fjórum mörkum undir þegar 8 mínútur voru til leiksloka. Þeir gáfust ekki upp og skoraði Jón Pétur jöfnunarmarkið þegar 20 sek. voru til leiksloka.
![](https://handbolti.is/wp-content/uploads/2024/03/CC-7-Jon-Petur-Jonsson-001-245x522-245x522-1.jpg)
Besti leikur Vals
„Þetta var besti leikur sem Valur hefur spilað,“ sagði Hilmar Björnsson, þjálfari Vals.
Ólafur Benediktsson átti stórleik í markinu og þá var Gunnsteinn Skúlason, aðstoðarþjálfari, traustur, en hann tók óvænt fram skóna fyrir leikinn.
Þetta og fleira sem tengist karlaliði Vals í handknattleik að fornu og nýju er rifjað upp í tilefni þess að í dag leikur Valur við Steaua Búkarest í átta liða úrslitum Evrópubikarkeppninnar í handknattleik karla. Um er að ræða fyrri viðureign liðanna. Sú síðari fer fram í N1-höll Valsara á Hlíðarenda á næsta laugardag.
Fleira í þessari upprifjun er að finna þegar smellt er á hlekkinn hér fyrir neðan: