Jónatan Þór Magnússon þjálfari karlaliðs KA er sagður horfa ákveðið út fyrir landsteinana með þjálfun í huga þegar hann hættir þjálfun KA-liðsins í lok leiktíðarinnar.
Akureyri.net hefur það samkvæmt áreiðanlegum heimildum að Jónatan Þór sé í viðræðum við lið sem leikur í efstu deild í Skandinavíu. Til hennar flokkast Danmörk, Noregur og Svíþjóð.
Hermt er að viðræður Jónatans Þórs og forráðamanna félagsins séu vel á veg komnar og að niðurstaða liggi fyrir innan tíðar. Jónatan Þór vildi lítið segja í samtali við Akureyri.net en sagði þó að á næstu dögum komi í ljós hvað hann taki sér fyrir hendur þegar samningurinn við KA rennur sitt skeið á enda.
Jóntan Þór ákvað í desember að hætta þjálfun KA-liðsins í lok leiktíðar sem hann hefur þjálfað um nokkurra ára skeið. Halldór Stefán Haraldsson var á dögunum ráðinn til KA frá og með næsta sumri.
Jónatan Þór þekkir vel til í Noregi. Hann bjó í Kristiansund frá 2010 til 2016 og lék með liði félagsins auk þess að þjálfa það í helming tímans.
Frétt Akureyri.net – Jónatan í viðræðum við lið í Skandinavíu
