Meistararnir mætast í Vestmannaeyjum

Fyrri leikurinn í Meistarakeppni HSÍ fer fram í kvöld þegar Íslands- og bikarmeistarar karla á síðustu leiktíð, ÍBV og Afturelding, mætast í íþróttamiðstöðinni í Vestmannaeyjum. Flautað verður til leiks klukkan 17.

ÍBV varð Íslandsmeistari í vor eftir æsispennandi úrslitaeinvígi við Hauka sem lauk í oddaleik í Vestmannaeyjum.

Leikjadagskrá Olísdeilda.

Afturelding lagði Hauka í úrslitaleik bikarkeppninnar í Laugardalshöll í mars.

ÍBV - helstu breytingar.
Komnir:
Daniel Vieira frá Avanca.
Friðrik Hólm Jónsson frá ÍR.
Gauti Gunnarsson frá KA.
Farnir:
Janus Dam Djurhuus til Færeyja.
Rúnar Kárason til Fram.
Magnús Stefánsson tók við þjálfun ÍBV af Erlingi Birgi Richardssyni. Roland Eradze var ráðinn aðstoðarþjálfari.

Bein útsending

Leikurinn verður sýndur í beinni útsendingu á Youtuberás ÍBV eins og margir leikir karla- og kvennaliða félagsins á síðustu árum.

Afturelding - helstu breytingar.
Komnir:
Andri Þór Helgason frá Gróttu.
Birgir Steinn Jónsson frá Gróttu.
Gísli Rúnar Jóhannsson frá Haukum.
Leó Snær Pétursson frá Stjörunnni.
Jakob Aronsson frá Haukum (að láni).
Þorvaldur Tryggvason frá Fram.
Hættir / Farnir:
Birgir Birgisson til Víkings.
Einar Ingi Hrafnsson.
Gestur Ólafur Ingvarsson.
Haukur Guðmundsson til Stjörnunnar (að láni).
Pétur Júníusson.
Sveinn Aron Sveinsson.
Stefán Scheving Th. Guðmundsson til Víkings.
Úlfar Páll Monsi Þórðarson til Vals.

Handbolti.is verður með textalýsingu frá leiknum í Vestmannaeyjum.

Verðum með góða blöndu leikmanna í vetur

Magnús boðar ekki byltingu – höldum okkar stefnu