- Auglýsing -
- Auglýsing -

Molakaffi: Anton, Jónas, Sigurður, Svavar, Vujovic, Weinhold, Sigvaldi

Jónas Elíasson og Anton Gylfi Pálsson dómarar eru mættir til Þýskalands. Mynd/Eyjólfur Garðarsson
- Auglýsing -
  • Anton Gylfi Pálsson og Jónas Elíasson halda áfram að dæma af fullum krafti í Meistaradeild Evrópu í handknattleik karla. Þeir félagar eru komnir til Szeged í Ungverjalandi til að dæma viðureign Pick Szeged og Industria Kielce í 10. umferð A-riðils keppninnar í kvöld. Fleiri Íslendingar taka þátt í leiknum því Haukur Þrastarson leikur með pólska meistaraliðinu.
  • Anton Gylfi og Jónas láta ekki nægja að dæma heima á Íslandi og í Meistaradeild Evrópu í karlaflokki heldur hafa þeir látið til sín taka í Evrópudeild karla. Á dögunum dæmdu þeir viðureign Füchse Berlin og Dinamo Búkarest í Berlín.
  • Svavar Ólafur Pétursson og Sigurður Hjörtur Þrastarson dæmdu viðureign ABC de Braga og RK Nexe í Braga í Portúgal í gærkvöld í síðustu umferð riðlakeppni Evrópudeildar karla.
  • Hinn þrautreyndi og áður frábæri handknattleiksmaður Veselin Vujovic hefur verið leystur frá störfum landsliðsþjálfara Íran í handknattleik karla. Vujovic tók við þjálfun íranska karlalandsliðsins í apríl á síðasta ári. Árangurinn landsliðsins undir hans stjórn hefur ekki verið viðunandi að mati stjórnenda íranska handknattleikssambandsins. Þeir telja þörf á að stokka upp spilin fyrir Asíumeistaramóti sem fram fer í janúar í Barein.
  • Majid Rahimizadeh, sem hefur þjálfað yngri landslið Írans, tekur við við af Vujovic sem víða hefur komið við á þjálfaraferli sínum. Hann verður sjálfsagt ekki lengi án atvinnu ef að líkum lætur.,
  • Þýski handknattleiksmaðurinn Steffen Weinhold er loksins byrjaður að leika á ný með THW Kiel eftir átta mánaða fjarveru vegna meiðsla. Munar svo sannarlega um meira hjá Kiel að fá þennan öfluga handknattleiksmann inn í hópinn á nýjan leik.
  • Weinhold verður þar með klár í slaginn með THW Kiel í kvöld þegar Sigvaldi Björn Guðjónsson og liðsmenn norska meistaraliðsins Kolstad koma í heimsókn til Kiel en liðin mætast í Meistaradeild Evrópu. Sander Sagosen lék með Kiel um nokkurra ára skeið en flutti heim í sumar og gekk til liðs við Kolstad. Einnig var Sigvaldi Björn í haust orðaður við flutning til THW Kiel fyrir næstu leiktíð.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -