- Auglýsing -
- Auglýsing -
- Auglýsing -

Molakaffi: Berta, Dana, Axel, Elías, Harpa, Richardson

Úrslitaleikir EM karla fara fram í dag í Lanxess Arena. Viðureignin um þriðja sætið hefst klukkan 14 en úrslitaleikurinn klukkan 16.45. Mynd/Hafliði Breiðfjörð
- Auglýsing -
  • Berta Rut Harðardóttir náði ekki að skora og átti heldur ekki stoðsendingu fyrir lið sitt, Kristianstad HK, í 36:28 tapi, í heimsókn til Skuru í sænsku úrvalsdeildinni í handknattleik í gær. Kristianstad HK er í sjötta sæti með 16 stig að loknum 15 leikjum, aðeins einu stigi ofar er annað lið sem Íslendingar leika með, Skara HF. Skuru er í öðru sæti. Stöðuna í sænsku úrvalsdeildinni og í fleiri deildum í evrópskum handknattleik er að finna hér.
  • Dana Björg Guðmundsdóttir skoraði þrjú mörk fyrir Volda þegar liðið tapaði með eins marks mun fyrir Storhamar2, 29:28, á heimavelli í næst efstu deild norska handknattleiksins í gær. Volda var tveimur mörkum yfir í hálfleik, 17:15. Volda er í þriðja sæti deildarinnar með 26 stig. Haslum hefur yfirburði í deildinni og er efst með 32 stig en Flint Tønsberg skaust einu stigi upp fyrir Volda í gær.
  • Aðallið Storhamar, sem leikur í úrvalsdeild kvenna, vann stórsigur á Fredrikstad Bkl., 41:24, í gær. Elías Már Halldórsson er þjálfari Fredrikstad Bkl., en Axel Stefánsson er annar af þjálfurum Storhamar til vors, eins og kom fram á handbolti.is á dögunum. Storhamar er í öðru sæti deildarinnar en Fredrikstad Bkl., situr í fimmta sæti. Stöðuna í norsku úrvalsdeildinni og í fleiri deildum í evrópskum handknattleik er að finna hér.
  • Harpa Rut Jónsdóttir skoraði eitt mark og átti annað sem missti marks þegar lið hennar GC Amicitia Zürich tapaði í heimsókn til HSC Kreuzlingen, 35:27, í svissnesku A-deildinni í handknattleik í gær. Liðin höfðu sæta skipti í deildinni eftir leikinn. HSC Kreuzlingen fór í fjórða sæti með 15 stig eftir 14 leiki en Harpa og félagar eru stigi á eftir í fimmta sæti.
  • Melvyn Richardson leikur ekki með franska landsliðinu gegn Dönum í úrslitaleik Evrópumótsins í dag. Richardson fór til Barcelona í gær þar sem hann býr en kona hans bíður þess að fæða fyrsta barn þeirra. Úrslitaleikur EM hefst klukkan 16.45 og fer fram í Lanxess Arena í Köln.
- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -