- Auglýsing -
- Elín Jóna Þorsteinsdóttir og samherjar hennar í EH Aalborg töpuðu í gærkvöld fyrir Viborg með 11 marka mun á heimavelli, 33:22, í 16-liða úrslitum dönsku bikarkeppninnar í handknattleik.
- Díana Dögg Magnúsdóttir var ein þriggja liðsmanna BSV Sachsen Zwickau sem sat yfir þegar liðið tapaði fyrir tékkneska liðinu Baník Most í æfingaleik í gærkvöld. Leikið var í Zwickau. Reikna má með að Díana Dögg og aðrar sem voru hvíldar í gær leiki með í kvöld gegn Thüringer í æfingaleik í Mühlhausen.
- Alfreð Gíslason landsliðsþjálfari Þýskalands í handknattleik telur Evrópumeistara SC Magdeburg vera líklegasta til þess að vinna þýska meistaratitilinn í karlaflokki, eftir því sem fram kemur í samtali við hann á handball-world. Keppni í þýsku 1. deildinni hefst í kvöld með tveimur leikjum. SC Magdeburg varð meistari vorið 2022 en THW Kiel vann í vor. Alfreð þjálfaði lið beggja félaga á sínum tíma með stórkostlegum árangri.
- Sigur THW Kiel vann meistarakeppnina í karlaflokki í fjórða árið í röð í gær og í 13. sinn frá upphafi sem gerir liðið það sigursælasta í þessum árlega leik meistara og bikarmeistara síðasta keppnistímabils. Keppni í þýsku 1. deildinni í karlaflokki hefst í kvöld.
- Eftir að hafa lagt öll spil á borðið í ýtarlegum viðræðum við Handknattleikssamband Evrópu, EHF, hefur verið staðfest að norska meistaraliðið Kolstad sem Sigvaldi Björn Guðjónsson leikur með heldur sæti sínu í Meistaradeild Evrópu. Mikið fjaðrafok var í sumar þegar upp komst að félagið virtist hafa fegrað bókhaldið til þess að eiga meiri möguleika á að fá eitt af boðssætunum í keppninni.
- Sigrar og vonbrigði norska handknattleiksliðsins Kolstad á undanförnum tveimur árum er orðið efni í þáttaröð sem norska ríkissjónvarpið, NRK, verður með á dagskrá á næstunni.
- Hollenska landsliðskonan Estavana Polman er enn einu sinni meidd á hægra hné. Hún missir a.m.k. af tveimur fyrstu mánuðum keppnistímabilsins með rúmenska liðinu Rapid Búkarest sem m.a. leikur annað árið í röð í Meistaradeild Evrópu. Polman, sem var besti leikmaður HM kvenna 2019, hefur átt í ítrekuðum hnémeiðslum síðan hún sleit krossband sumarið 2020.
- Auglýsing -
