- Auglýsing -
„Við spiluðum bara fínt og unnum þetta,“ sagði Benedikt Gunnar Óskarsson leikmaður Vals í samtali við handbolta.is eftir að Valur tryggði sér sæti í undanúrslitum Olísdeildar karla í handknattleik með öðrum stórsigri á Fram í röð í átta liða úrslitum. Að þessu sinni voru lokatölur, 36:24, í Lambhagahöll Framara í Úlfarsárdal.
„Eftir að við unnum fyrsta leikinn á heimavelli þá kom ekkert annað til greina en að ljúka einvíginu hér í dag,“ sagði Benedikt Gunnar sem sér næst fram á Evrópuleik við Baia Mare á heimavelli áður en undanúrslitarimman hefst við annað hvort Aftureldingu eða Stjörnuna.
„Við náðum að keyra og klára þetta nokkuð þægilega,“ sagði Benedikt Gunnar en nánar er rætt við hann á myndskeiðinu hér fyrir ofan.
- Auglýsing -
