Aðalsteinn Eyjólfsson og Óðinn Þór Ríkharðsson ásamt félögum í Kadetten Schaffhausen eru komnir í vænlega stöðu í úrslitakeppninni um svissneska meistaratitilinn í handknattleik eftir að hafa lagt deildarmeistara HC Kriens öðru sinni í kvöld, 33:25, á heimavelli í kvöld. Þar með getur Kadetten unnið svissneska meistaratitilinn annað árið í röð ef vel tekst til á sunnudaginn í heimsókn í Sursee Stadthalle á sunnudaginn.
Eins og stundum áður þá var Óðinn Þór Ríkharðsson markahæstur hjá Kadetten. Hann skoraði níu mörk í kvöld, þar af fimm úr vítaköstum. Spánverjinn margreyndi, Joan Canellas var næstur með fimm mörk.
Eins og í fyrsta leik liðanna þá var markvörðurinn Kristian Pilipovic vel með á nótunum í marki Kadetten. Hann var með 38% hlutfallsmarkvörslu.
Dimitrij Küttel skoraði fimm mörk fyrir HC Kristen og var sá sem mesta kvað að. Mesti móðurinn virðist runninn af Andy Schmid eftir frábært keppnistímabil. Hann skoraði tvö mörk í kvöld.
