Susanne Pettersen leikmaður KA/Þórs hefur verið valin í norska landsliðið í strandhandbolta sem kemur saman til æfinga 5. til 8. mars undir stjórn Katinka Haltvik Tvilde.
Alls ekki fyrst
Þótt strandhandbolti hafi ekki náð fótfestu hér á landi þá er Pettersen alls ekki fyrsti leikmaðurinn sem leikur með íslensku félagsliði sem valinn er til þátttöku með erlendu landsliði í þessari nýlegu íþróttagrein.
Eins og reglulegir lesendur handbolta.is rekur vafalaust minni til þá hefur Ihor Kopyshynskyi, leikmaður Aftureldingar, leikið sumar eftir sumar með landsliði Úkraínu á Evrópu- og heimsmeistaramótum í strandhandbolta og gert það gott.
Staðið í stafni
Norska kvennalandsliðið í strandhandbolta hefur lengi verið í fremstu röð í Evrópu. Auk þess hefur það staðið í stafni baráttu fyrir viðunandi keppnisbuxum kvenfólks í íþróttinni sem nýtur vaxandi vinsælda víða um heim. Hefur m.a. komið til skoðunar að strandhandbolti verði keppnisgrein á Ólympíuleikum.
Sekt fyrir að hundsa reglur um bíkinibuxur
Pink býðst til að greiða buxnasekt þeirra norsku
Reglur um keppnisbuxur kvenna í strandhandbolta rýmkaðar
