Valur mætir rúmenska liðinu Steaua í Búkarest í Rúmeníu í fyrri viðureign liðanna í átta liða úrslitum Evrópbikarkeppni karla í handknattleik. Flautað verður til leiks kl. 17. Leikurinn verður ekki sendur í sjónvarpi né verður honum streymt á netinu.
Íslensk lið hafa leikið 16 leiki gegn liðum frá Rúmeníu í Evrópukeppninni. Sigurleikir eru fimm, eitt jafntefli og tíu leikir hafa tapast.
Lið frá Rúmeníu hafa leikið sex leiki á Íslandi, tapað fimm, en fagnað sigri í leik gegn Val 1978.
Hér er listinn yfir Evrópuleikina. Fram, sem fagnaði sigri í Rúmeníu 2007, lék alla fjóra Evrópuleiki sína þar í landi.
Meistarakeppnin: 1978-1979: Valur - Dynamo Búkarest 19:25 (H), 20:20 (Ú) Áskorendakeppnin: 2004-2005: Fram - Uztelsc Ploiesti; báðir úti. 25:32 - 25:27 Áskorendakeppnin: 2005-2006: KA - Steaua Búkarest 24:23 (H), 21:30 (Ú) Áskorendakeppnin: 2007-2008: Fram Poli-Izometal; báðir úti. 24:26, 24:23. - Björgvin Páll Gústavsson, markvörður Vals, átti stórleik með Fram í Rúmeníu, varði 19 skot. EHF-keppnin: 1988-1989: FH - Minaur Baia Mare 31:39 (Ú), 32:19 (H) Áskorendakeppnin: 2016-2017: Valur - AHC Potaissa Turda 30:22 (H), 23:32 (Ú) Áskorendakeppnin: 2017-2018: ÍBV - AHC Potaissa Turda 31:28 (H), 24:28 (Ú) EHF-keppnin: 2021-2022: Haukar - CSM Focsani 26:28 (Ú), 27:26 (H)
Valsmenn léku 12 leiki
Valsliðið, sem hefur leikið 8 leiki án þess að tapa í Evrópubikarkeppninni 2023-2024, og á tvo leiki framundan, jafnvel fleiri.
Valur setti met er liðið lék 12 leiki í Evrópudeildinni keppnistímabilið 2022- 2023. Valur, undir stjórn Snorra Steins Guðjónssonar, lék 10 leiki í riðlakeppninni og síðan tvo leiki í 16-liða úrslitum. Ekkert íslenskt lið hefur leikið svo marga Evrópuleiki á einu keppnistímabili
Þetta og fleira sem tengist karlaliði Vals í handknattleik að fornu og nýju er rifjað upp í tilefni þess að í dag leikur Valur við Steaua Búkarest í átta liða úrslitum Evrópubikarkeppninnar í handknattleik karla. Um er að ræða fyrri viðureign liðanna. Sú síðari fer fram í N1-höll Valsara á Hlíðarenda á næsta laugardag.
Fleira í þessari upprifjun er að finna þegar smellt er á hlekkinn hér fyrir neðan:
