Rúmlegar 100 krakkar tóku þátt í hæfileikamótun HSÍ

Hæfileikamótun HSÍ fór fram um síðustu helgi í Kaplakrika og voru yfir 100 krökkum frá öllum aðildarfélögum HSÍ boðið að þessu sinni. Æfði hver hópur fjórum sinnum yfir helgina undir stjórn Andra Sigfússonar, landsliðsþjálfara U-16 ára karla sem fékk með sér vaska sveit aðstoðarþjálfara.

Um helgina var lögð áhersla á yfirtölu æfingar og 5+1 varnarleik og sóknarleik gegn 5+1 vörn.

HSÍ þakkar krökkunum fyrir liðna helgi en Hæfileikamótun HSÍ er haldið til að gefa okkar ungu og efnilegu handboltakrökkum smjörþefinn af því hvernig yngri landslið HSÍ æfa.

Næstu æfingar Hæfileikamótunar verða 10. – 12. maí.

Hér fyrir neðan eru myndir af hópunum tveimur sem tóku þátt um síðustu helgi. Myndir – HSÍ.