- Auglýsing -
- Auglýsing -
- Auglýsing -

Stolt af stelpunum og fólkinu okkar

Sólveig Lára Kjærnested þjálfari ÍR. Ljósmynd/Hafliði Breiðfjörð
- Auglýsing -

„Ég er stolt af stelpunum, fólkinu okkar og öllum þeim sem vinna í kringum liðið eftir þennan leik,“ sagði Sólveig Lára Kjærnested þjálfari ÍR í samtali við handbolta.is í Laugardalshöll í kvöld eftir sjö marka tap ÍR-inga fyrir Íslandsmeisturum Vals í undanúrslitaleik Powerade-bikars kvenna í handknattleik, 27:21.

Elín Rósa hrikalega erfið

„Mér fannst margir kaflar góðir hjá okkur og eitt annað sem við gerðum mjög vel. Valsliðið fór illa með okkur í hraðaupphlaupum auk þess sem það er ferlega erfitt að eiga við Elínu Rósu Magnúsdóttur. Hún er orðin hrikalega öflug og fljót á fótunum. Ég öfundaði ekki mína stelpur að elta hana á vellinum. Við vorum í miklum erfiðleikum með hana,“ sagði Sólveig Lára ennfremur en hún hefur lyft grettistaki með ÍR-liðið undanfarin ár.

Sólveig Lára var mjög ánægð með stuðning fjölmenns hóps ÍR-ingar á áhorfendapöllunum sem settu flottan svip á leikinn.

„Stuðningsmennirnir héldu áfram allt til loka og stelpurnar gerðu það líka inni á vellinum. Stuðningurinn var ómetanlegur.
Leikurinn og sú reynsla sem af honum fékkst gefur ÍR-liðinu mikið. Leikmennirnir mega vera stoltar af sér. Ég er viss um að þær eru hungraðar að mæta í undanúrslit strax aftur á næsta ári,“ sagði Sólveig Lára Kjærnested þjálfari ÍR í samtali við handbolta.is í kvöld.

Vorum í lykilstöðu eftir fyrri hálfleik

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -