- Auglýsing -
- Auglýsing -
- Auglýsing -

Valur í úrslit í þriðja sinn í röð

Elín Rósa Magnúsdóttir leikmaður Vals var frábær í undanúrslitaleiknum við ÍR. Mynd/Egill Bjarni Friðjónsson
- Auglýsing -

Íslandsmeistarar Vals leika til úrslita í Powerade-bikarnum í handknattleik kvenna þriðja árið í röð á laugardaginn. Valur vann öruggan sigur á ÍR, 29:21, í undanúrslitaleik í Laugardalshöll í kvöld. Valsliðið hafði yfirhöndina frá upphafi til enda en ÍR-liðið barðist til loka og lagði ekki árar í bát fyrr en flautað hafði verið til leiksloka.

Það tók Valsliðið fyrstu 15 mínúturnar að ná úr sér hrollinum gegn ÍR. Eftir það náðu Íslandsmeistararnir tökum á leiknum og hertu þau jafnt og þétt fram til hálfleiks þegar munurinn var orðinn sjö mörk, 17:10.

Valsliðið sýndu áfram mátt sinn framan af síðari hálfleik og hafði náð átta marka forystu eftir um tíu mínútur. ÍR-liðið reyndi hvað það gat, jafnt í vörn sem sókn. En það var hægara sagt en gert að brjóta öfluga vörn Vals á bak aftur eða standa liðinu snúning í sókninni. Valsliðið er afar vel mannað eins og oft hefur komið fram, með tvö öfluga leikmenn í hverri stöðu, leikmenn sem flestir hverjir hafa gengið í gegnum úrslitaleiki oftar en einu sinni.

ÍR-liðið á heiður skilinn fyrir baráttu sína og dugnað sem skilað hefur liðinu í allra fremstu röð á síðasta ári undir stjórn hinnar röggsömu Sólveigar Láru Kjærnested, þjálfara. Eins var afar gaman að sjá hversu margir ÍR-ingar lögðu leið sína í Höllina á leikinn og stöðu þétt við bakið á liðinu sínu frá upphafi til enda. Það var hinsvegar við ofurefli að etja innan vallar að þessu sinni.

Mörk ÍR: Karen Tinna Demian 6/1, Sigrún Ása Ásgrímsdóttir 4, Matthildur Lilja Jónsdóttir 2, Sylvía Sigríður Jónsdóttir 2, Katrín Tinna Jensdóttir 2, Ásthildur Bertha Bjarkadóttir 2, Vaka Líf Kristinsdóttir 1, Erla María Magnúsdóttir 1, Sara Dögg Hjaltadóttir 1.
Varin skot: Hildur Öder Einarsdóttir 5/1, 38,5% – Ísabella Schöbel Björnsdóttir 3, 12,5%.
Mörk Vals: Þórey Anna Ásgeirsdóttir 9/2, Elín Rósa Magnúsdóttir 6, Hildigunnur Einarsdóttir 5, Lilja Ágústsdóttir 3, Thea Imani Sturludóttir 3, Sigríður Hauksdóttir 1, Hildur Björnsdóttir 1, Auður Ester Gestsdóttir 1.
Varin skot: Auður Ester Gestsdóttir 7, 36,8% – Hafdís Renötudóttir 2, 18,2%.

Tölfræði leiksins hjá HBStatz.

Vorum í lykilstöðu eftir fyrri hálfleik

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -