Töpuðu með fimm marka mun fyrir Veszprém

Valsmenn biðu lægri hlut fyrir ungverska liðinu Veszprém á heimavelli þess, 24:19, í annarri umferð Balaton Cup-mótsins í handknattleik pilta sem fæddir eru 2008.

Í gær hafði Valur mikið betur gegn norska liðinu Haslum í fyrstu umferð mótsins. Í kvöld leikur Valur við Barcelona í þriðju umferð en þá lýkur riðlakeppninni.

Átta lið taka þátt í mótinu og er þeim öllum boðin þátttaka að heimaliðinu undanskildu, Veszprém.

Mörk Vals í leiknum í morgun: Bjarki Snorrason 5, Gunnar Róbertsson 5m Logi Finnsson 2, og Starkaður Björnsson 3, Örn Kolur Kjartansson 2, Kári Steinn Guðmundsson 1.

Þórhallur Árni Höskuldsson varði 8 skot í markinu og Anton Máni Francisco Heldersson 1.