Úrslit ráðast á Íslandsmóti 3. og 4. flokks á sunnudaginn

Á sunnudaginn, hvítasunnudag, verður leikið í Kórnum til úrslita á Íslandsmóti yngri flokka karla og kvenna í handknattleik. Unglingaráð handknattleiksdeildar HK hefur veg og vanda að mótahaldinu í ár og verður hvergi slegið slöku við, segir í tilkynningu HSÍ.

Leikjdagskrá sunnudaginn 19.maí

4. flokkur kvenna, kl. 12:
Valur – ÍBV.

4. flokkur karla, kl.13.30:
Valur – FH.

3. flokkur karla, kl. 15:
Afturelding – Haukar

3. flokkur kvenna, kl. 17:
Valur – Fram.

Leikirnir verða sýndir í beinni útsendingu á Handboltapassanum.

Athygli er vakin á að verðlaunaafhending fyrir hvern flokk fyrir sig fer fram strax eftir leik. Veitt eru verðlaun fyrir besta leikmanninn, auk silfur og gullverðlauna. Sigurliðið fær bikar til eignar.