Bikarmeistarar Vals léku við hvern sinn fingur í kvöld í Dunajská í Slóvakíu kvöld og lögðu lið HC DAC Dunajská Streda með sjö marka mun, 31:24, í síðari leik liðanna í Evrópubikarkeppninni í handknattleik kvenna. Jafnt var að loknum fyrri hálfleik, 13:13.
Valsliðið lék frábærlega í síðari hálfleik og tryggði sér samanlagðan fjögurra marka sigur, 57:53, í tveimur leikjum.
Leikmenn HC DAC Dunajská Streda skoruðu þrjú fyrstu mörk leiksins áður en Thea Imani Sturludóttir kom Val á bragðið eftir rúmlega átta mínútna leik. Við tók mjög góður kafli Vals sem skoraði átta mörk gegn einu og komst yfir. Heimaliðið beit í skjaldarrendur og náði að jafna metin fyrir hálfleik, 13:13.
Leikurinn var í járnum framan af síðari hálfleik. Eftir að Dunajská Streda komst yfir yfir, 16:17, urðu kaflaskil. Valur svaraði með fjórum mörkum í röð. Eftir það litu leikmenn Vals aldrei um öxl. Þeir juku forskot sitt jafnt og þétt. Leikmenn Dunajská Streda voru slegnir út af laginu og virtust fyrir vikið ekki eiga neina ása eftir upp í erminni.
Mörk Vals: Thea Imani Sturludóttir 7, Mariam Eradze 5, Sara Dögg Hjaltadóttir 4, Auður Ester Gestsdóttir 3, Hildigunnur Einarsdóttir 3, Þórey Anna Ásgeirsdóttir 3/2, Hildur Björnsdóttir 2, Lilja Ágústsdóttir 2, Elín Rósa Magnúsdóttir 1, Sara Sif Helgadóttir 1.
Varin skot: Sara Sif Helgadóttir 14, 37,8% – Hrafnhildur Anna Þorleifsdóttir 1, 50%.
Handbolti.is fylgdist með leiknum í textalýsingu hér fyrir neðan.
