Handknattleiksmarkvörðurinn sterki frá Litáen, Vilius Rašimas hefur gert samning við handknattleiksdeild Hauka um að hann spili með meistaraflokki félagsins næstu tvö keppnistímabil.
Vilius sem er 34 ára hefur varið mark Selfoss í Olísdeildinni undanfarin fjögur tímabil og verið einn öflugasti markvörður deildarinnar.
Vilius hefur af og til leikið með landsliði Litáen auk félagsliðsins Kaunas. Áður en hann kom til Selfoss hafði Vilius leikið með EHV Aue í Þyskalandi, verið í Frakklandi og í Póllandi. Vilius var m.a. í liði Azoty-Puławy sem mætti Selfoss í Evrópukeppni tveimur árum áður en hann flutti á Selfoss.
„Það er því mikil ánægja með að fá Vilius í Hauka. Þar mun hann styrkja markvarðateymið ásamt því að miðla af reynslu sinni til yngri leikmanna,“ segir m.a. í tilkynningu Hauka.
