Hrafnhildur Hanna Þrastardóttir og Rúnar Kárason voru valin bestu leikmenn meistaraflokksliða ÍBV á nýliðnu keppnistímabili en lokahóf handknattleiksdeildar fór fram í gærkvöld með pompi og prakt.
Keppnistímabilið var ÍBV gjöfult. Karlaliðið varð Íslandsmeistari og kvennaliðið varð deildar- og bikarmeistari og hafnaði í öðru sæti í úrslitakeppninni um Íslandsmeistaratitilinn.
Það var þar af leiðandi glatt á hjalla á meðal handknattleiksfólks ÍBV þegar það kom saman í gærkvöld.
Eftirtaldir hlutu viðurkenningar á lokahófi.
Meistaraflokkur kvenna:
ÍBV-ari: Ólöf María Stefánsdóttir.
Mestu framfarir: Sara Dröfn Richardsdóttir.
Efnilegust: Amelía Dís Einarsdóttir.
Besti leikmaðurinn: Hrafnhildur Hanna Þrastardóttir.
Meistaraflokkur karla:
ÍBV-ari: Nökkvi Snær Óðinsson.
Mestu framfarir: Arnór Viðarsson.
Efnilegastur: Ívar Bessi Viðarsson.
Besti leikmaðurinn: Rúnar Kárason.
3. flokkur karla:
ÍBV-ari: Andri Andersen.
Mestu framfarir: Ívar Bessi Viðarsson.
Efnilegastur: Hinrik Hugi Heiðarsson.
Besti leikmaðurinn: Elmar Erlingsson.
Leikmenn fengu þakklætisvott fyrir sitt framlag:
Janus Dam Djurhus.
Róbert Sigurðarson.
Rúnar Kárason.
Tara Sól Úranusdóttir.
Ólöf María Stefánsdóttir.
Ingibjørg Olsen.
Erlingur Richardsson var heiðraður með silfurmerki Íþróttabandalags Vestmannaeyja en hann hefur látið af störfum sem aðalþjálfari félagsins.
Vilmar Þór Bjarnason fékk þakklætisvott frá ÍBV fyrir störf sín hjá félaginu. Hann hefur starfað sem framkvæmdastjóri handknattleiksráðs síðan 2018 en lét af störfum um nýliðin mánaðamót.
Fleiri myndir frá lokahófinu er að finna á síðu Eyjafrétta.
Fleiri lokahóf félaga síðustu daga:
Lokahóf Fram: Perla Ruth og Gauti best – myndir
Hildur og Birgir Örn best hjá FH – myndir
Lokahóf á Selfossi: Katla María og Einar best – myndir
Viðurkenningar voru veittar á lokahófi Gróttu
Lokahóf Víkings – myndir – Ída og Jóhann valin best
