Flautað verður á ný til leiks í Olísdeild kvenna í dag eftir hlé sem staðið hefur yfir í þrjár vikur. Reykjavíkurliðin Fram og Valur hefja umferðina er þau mætast í Lambhagahöll Fram í Úlfarsárdal klukkan 15. Valur er efstur í deildinni ásamt ÍBV. Fram er sjö stigum á eftir í fimmta sæti.
Tvö neðstu lið deildarinnar, Stjarnan og Selfoss, eigast við í Hekluhöllinni klukkan 15.30. Aðeins munar einu stigi á liðunum, Selfossliðinu í hag.
KA/Þór og ÍR mætast í KA-heimilinu klukkan 16. Báðum liðum virtist vera að fatast flugið í síðustu leikjum nýliðins árs.
Síðasti leikur 12. umferðar Olísdeildar kvenna í dag verður á milli ÍBV og Hauka í Vestmannaeyjum. Til stendur að hefja leikinn klukkan 16.15.
Olísdeild kvenna, 12. umferð:
Lambhagahöllin: Fram – Valur, kl. 15.
Hekluhöllin: Stjarnan – Selfoss,kl. 15.30.
KA-heimilið: KA/Þór – ÍR, kl. 16.
Vestamannaeyjar: ÍBV – Haukar, kl. 16.15.
Staðan og næstu leikir í Olísdeildum.
- Allir leikir dagsins verða sendir út á Handboltapassanum auk þess sem viðureign Fram og Vals verður í beinni útsendingu Símans.
