Ævintýralegt sigurmark Alingsås – myndskeið

Aron Dagur Pálsson og samherjar í sænska úrvalsdeildarliðinu Alingsås unnu magnaðan sigur á þýska liðinu SC Magdeburg í Evrópudeildinni í handknattleik á heimavelli í gærkvöld. Hornamaðurinn Samuel Lindberg skoraði sigurmarkið, 30:29, á hreint ævintýralegan hátt á síðustu sekúndu eftir að hafa farið inn úr hægra horni nánast á endalínu. Markið er á myndskeiðinu hér að neðan.