Eftir fimm leiki í gær, laugardag, fóru síðustu þrír leikir 2. umferðar Meistaradeildar kvenna fram í dag. Krim sýndi sannfærandi frammistöðu gegn Esbjerg og vann með sex marka mun, 33 – 27 í Ljubljana. Þetta er aðeins í annað sinn í sögunni sem slóvenska liðinu tekst að hafa betur gegn því danska.
Bietigheim vann CSM Búkarest, 26 – 24, í miklum spennuleik þar sem að mestu munaði um frammistöðu Gabrielu Goncalves markmanns þýska liðsins. Þá hélt danska liðið Ikast áfram að koma á óvart. Núna var það franska liðið Metz sem laut í lægra haldi, 39 – 35.
- Sigur Krim gegn Esbjerg er aðeins annar sigur liðsins gegn danska liðinu í sögu félagsins. Þetta er einnig í fyrsta sinn sem Krim nær að vinna tvo fyrstu leiki sína í riðlakeppni Meistaradeildarinnar frá tímabilinu 2013/14.
- Slóvenski hægri hornamaðurinn Tamara Mavsar sem gekk til liðs við Krim eftir eins árs veru hjá ungverska liðinu Síófok, skoraði átta mörk í leiknum. Hún er þar með í þriðja sæti á lista þeirra markahæstu í Meistaradeildinni eftir tvær umferðir.
- Markverðirnir voru í aðalhlutverki í leik Bietigheim og CSM Búkarest. Gabriela Goncalves markvörður þýska liðsins varði 18 skot og var með 43% markvörslu. Laura Glauser markvörður CSM varði 16 skot, 40%.
- Ikast vann sinn fimmtugasta sigur í Meistaradeild kvenna með því að leggja Metz að velli. Auk þess er Ikast ósigrað í 13 Evrópuleikjum. Ikast vann Evrópudeildina á síðustu leiktíð.
- Viðureign Ikast og Metz var mikill markaleikur sem lauk með sigri danska liðsins, 39 – 36. Liðin skoruðu því samtals 75 mörk sem er það mesta sem hefur verið skorað í einum leik í sögu Meistaradeildarinnar.
Úrslit dagsins
A-riðill:
Bietigheim 26 – 24 CSM Búkarest (14 – 12).
Krim 33 – 27 Esbjerg (15 – 12).
B-riðill:
Metz 35 – 39 Ikast (17 – 20).
Keppni í Meistaradeild kvenna heldur áfram um næstu helgi þegar að 3. umferð riðlakeppninar fer fram.
Leikirnir í gær, laugardag:
