Halda sæti sínu í úrvalsdeildinni

Elín Jóna Þorsteinsdóttir og samherjar hennar í Ringkøbing Håndbold leika áfram í úrvalsdeildinni í Danmörk á næsta keppnistímabili. Ringkøbing Håndbold vann TMS Ringsted öðru sinni í dag í umspili um sæti í úrvalsdeildinni, 33:16.

Ringkøbing Håndbold vann einnig fyrri viðureignina og þar af leiðandi er ekki þörf á oddaleik.

Elín Jóna tók ekki þátt í leiknum í dag vegna meiðsla en stalla hennar Marit Huiberts fór á kostum í markinu og varð annað hvert skot sem á markið kom.

Ringkøbing Håndbold, sem kom upp í úrvalsdeildina fyrir ári, hafnaði í næst neðsta sæti deildarinnar í vor eftir keppni neðstu liðanna um að forðast fall. Þar af leiðandi kom það í hlut liðsins að leika við lið úr 1. deild um sæti í úrvalsdeild á næsta keppnistímabili.