Blomberg-Lippe, með landsliðskonurnar Andreu Jacobsen og Díönu Dögg Magnúsdóttir innan sinna raða, er í góðri stöðu eftir 15 marka sigur á Rauðu stjörnunni, 39:24, á heimavelli í dag í fyrri viðureign liðanna í fyrri umferð forkeppni Evrópudeildarinnar í handknattleik. Síðari viðureignin fer fram í Serbíu eftir viku.
Díana Dögg skoraði tvö mörk í dag og Andrea eitt. Díönu var einu sinni vikið af leikvelli.
Elías Már í góðum málum
Annað lið sem tengist Íslendingum sem tekur þátt í forkeppni Evrópudeildarinnar er Fredrikstad Bkl frá Noregi sem Elías Már Halldórsson þjálfar vann Amicitia Zürich frá Sviss á sannfærandi hátt á heimavelli í dag, 33:21.
Síðari viðureignin fer fram á morgun. Samanlagður sigurvegari leikjanna tveggja hleypur yfir aðra umferð undankeppninnar og tekur sæti í riðlakeppni Evrópudeildar þegar hún hefst síðar í vetur.
