Talsverðar mannabreytingar verða á leikmannhópum kvenna- og karlaliða Hauka í handknattleik fyrir næsta tímabil ef tekið er mið af þeim hópi leikmanna sem kvaddir voru á lokahófi meistaraflokka sem fram fór á dögunum.
Fjórir leikmenn kvennaliðsins róa á ný mið. Það eru Natasja Hammer, Gunnhildur Pétursdóttir, Ena Car og Heiðbjört Anna Guðmundsdóttir.
Sex úr leikmannahópi meistaraflokks karla voru einnig kvaddir, Atli Már Báruson, Gunnar Dan Hlynsson, Matas Pranckevicus, Þorfinnur Máni Björnsson, Stefán Huldar Stefánsson og Heimir Óli Heimisson. Sá síðastnefndi ætlar að hætta keppni.
Elín Klara Þorkelsdóttir og Guðmundur Bragi Ástþórsson voru valin bestu leikmenn meistaraflokksliða Hauka á nýliðnu tímabili. Össur Haraldsson skaraði framúr öðrum leikmönnum U-liðsins sem lék í Grill 66-deildinni. Hann var einnig valinn efnilegastur í Olísdeildarliðinu.
Viðurkenningarhafar kvöldsins voru:
Meistaraflokkur kvenna:
Besti leikmaðurinn: Elín Klara Þorkelsdóttir.
Mikilvægast leikmaðurinn: Ragnheiður Sveinsdóttir.
Efnilegasti leikmaðurinn: Rakel Oddný Guðmundsdóttir.
Meistarflokkur karla:
Besti leikmaðurinn: Guðmundur Bragi Ástþórsson.
Mikilvægasti leikmaðurinn: Andri Már Rúnarsson.
Efnilegasti leikmaðurinn: Össur Haraldsson.
U-lið:
Besti leikmaðurinn: Össur Haraldsson.
Mikilvægasti leikmaðurinn: Kristófer Máni Jónasson.
Mestu framfarir: Andri Fannar Elísson.
Fleiri lokahóf félaga síðustu daga:
Lokahóf ÍBV: Hanna og Rúnar stóðu upp úr – myndir
Lokahóf Fram: Perla Ruth og Gauti best – myndir
Hildur og Birgir Örn best hjá FH – myndir
Lokahóf á Selfossi: Katla María og Einar best – myndir
Viðurkenningar voru veittar á lokahófi Gróttu
Lokahóf Víkings – myndir – Ída og Jóhann valin best
Elín Klara og Rúnar valin þau bestu
