Íslendingar létu sitt ekki eftir liggja á áhorfendapöllunum í Ólympíuhöllinni í München í gærkvöld þegar íslenska landsliðið atti kappi við svartfellska landsliðið í annarri umferð C-riðils Evrópumótsins í handknattleik karla. Svipaður fjöldi Íslendinga var á leiknum og á föstudagskvöldið þegar leikið var við Serba, ríflega 4.000.
Hugur fólks fyrir leikinn var vitanlega hjá Grindvíkingum og þeim hræðilegu atburðum sem áttu og eiga sér stað í bænum þeirra. Hvarvetna þar sem Íslendingar komu saman var rætt um fréttirnar og farið yfir nýjustu tíðindi að heiman hvar eldur og eimyrja hafði klófest Grindavíkurbæ.
Hafliði Breiðfjörð ljósmyndari fangaði stemninguna á áhorfendapöllunum meðan á leiknum stóð. Hluti mynda hans birtist hér fyrir neðan.
Næsti leikur íslenska landsliðsins verður gegn Ungverjum annað kvöld, þriðjudag, og hefst klukkan 19.30.
Smellið á myndirnar til þess að sjá þær stærri.
Fleiri syrpur Hafliða frá EM:
Myndir: Aldrei fleiri Íslendingar – ótrúlegur stuðningur í München
Myndir Hafliða: Ísland – Serbía, 27:27
Myndir: Íslendingar troðfylltu Hofbräuhaus
Myndir Hafliða: Ísland – Svartfjallaland, 31:30
